स्थानीय चुनावको तयारीमा रास्वपा, उम्मेदवार छान्न सात उपसमिति सक्रिय

काठमाडौं–  आगामी स्थानीय तह निर्वाचनलाई लक्षित गर्दै राष्ट्रिय स्वतन्त्र पार्टी (रास्वपा) ले उम्मेदवार छनोट प्रक्रिया व्यवस्थित बनाउन सातवटा उपसमिति गठन गरेको छ । पार्टीले महानगरपालिका र उपमहानगरपालिकाका वडा तहमा उम्मेदवार बन्न इच्छुक व्यक्तिका लागि आवेदनसमेत खुला गरेको छ । उम्मेदवार छनोटलाई व्यवस्थित, समावेशी र प्रभावकारी बनाउने उद्देश्यले पार्टीले विभिन्न जिम्मेवारीसहित उपसमितिहरू गठन गरेको हो । उम्मेदवार छनोट रूपरेखा कार्यान्वयन तथा समन्वयका लागि गठित समितिको बैठकले सातवटा विषयगत उपसमिति निर्माण गर्ने निर्णय गरेको हो । पार्टी केन्द्रीय कार्यालय वनस्थलीमा महामन्त्री विपिनकुमार आचार्यको सभापतित्वमा बसेको बैठकले उक्त निर्णय गरेको प्रवक्ता जगदिश खरेलद्वारा जारी विज्ञप्तिमा उल्लेख छ । निर्णयअनुसार क्यान्डिडेट क्लब उपसमितिको संयोजकमा...